May 26, 2014

வெள்ளை மாளிகைக்கு எதிரே ஒரு சின்னக்குடில்

வாஷிங்டன் டி.சி உலகின் அதிகார பீடமான அமெரிக்க அதிபரின் வெள்ளை மாளிகைக்கு எதிரே ஒரு சின்னக் குடில்.
வெள்ளை மாளிகையை புகைப்படம் எடுப்பவர்களை விட அங்குள்ள ஒரு பாட்டியோடு நின்று புகைப்படம் எடுத்துக் கொள்ள அத்தனை பேரும் ஆசைப்படுகிறார்கள் . அவர் பெயர் கொன்சிட்டா ( Concepción Picciotto ) அவரது குடில் முழுக்க வாசகங்கள் பதித்த பதாகைகள் , அச்சிடப்பட்ட தாள்கள்,பல்வேறு செய்தித் தாள் பிரதிகள்,அவரது தொப்பி,அவரது உடை ,அவரது நீர் அருந்தும் பானை அத்தனையிலும் போராட்ட வாசகங்கள் .
கடந்த 34 ஆண்டுகளாக அணு சக்திக்கு எதிராக ,அணு ஆயுதங்களுக்கு எதிராக ,அணு உலைகளுக்கு எதிராக தொடர்ந்து பிரச்சாரத்தில் ஈடுபட்டு வருகிறார். உலகம் முழுக்க நடைபெறும் அணுசக்திக்கு எதிரான போராட்டங்களுக்கு மிக முக்கிய அடையாளமாக திகழ்கிறார். ஸ்பெயினில் பிறந்து , மொழிபெயர்ப்பாளராக பணியாற்றியவர் .



ஏன் அணு சக்தியை எதிர்க்கிறீர்கள் , வெள்ளை மாளிகை நிர்வாகம் உங்களை வெளியேற்றவில்லையா , அணு உலைகள் இல்லை என்றால் எப்படி மின்சாரம் வரும் எனப் பலரும் பலக் கேள்விகளை கேட்கிறார்கள் .அத்தனை பேருக்கும் 34 ஆண்டுகளாக சலிக்காமல் பதில் சொல்லி வருகிறார்.
"உங்களுக்கென்று குடும்பம் ஏதும் இல்லையா ?
நீங்கள் அவர்களைப் பாதுகாக்கவில்லையா ?
அவர்களுக்காக உழைக்கவில்லையா " என்று சத்தமாக கேட்டேன்.

கொன்சிட்டா பாட்டி சொன்னார்
" இந்த பூமி தான் என் வீடு, நீங்கள் தான் என் குடும்பம் .
வேறென்ன வேண்டும் எனக்கு ? இந்தா இந்த நோட்டிசை உங்கள் நாட்டில் கொண்டு போய் மக்களிடம் கொடு என்று அணு சக்தி எதிர்ப்பு காகிதங்களைக் கொடுத்தார்.

0 கருத்துரைகள்:

Post a Comment

உங்கள் கருத்துகளை இங்கே சொல்லிட்டு போங்க!!!

கருத்துக்கள் தமிழில் பதிவதற்க்கு இந்த தங்லீஷ் டைப் ஐ பயன்படுத்திக் கொள்ளவும். (amma என டைப் செய்தால் அம்மா என இடம் பெறும்):

Comments

வருகையாளர்கள்

 

Copyright 2010 - 2017 All Rights Reserved | Riyaz Home Page

வருகைத்தந்தவர்கள்