இதெல்லாம் உங்களுக்கு தெரியுமா!!

வாங்க நண்பர்களே!!
தலைப்பை பார்த்து பயந்துடாதீங்க!!.
தெரியாததை தெரிந்துக்கொள்வதுதான் நம்ம பழக்கம். அதனால கீழே கொடுத்துள்ள கேள்விக்காண, பதிலை கிளிக் பண்ணுங்க. கவலைப்படாதீங்க இங்கு மார்க்கெல்லாம் கொடுக்க மாட்டோம். தெரியாததை தெரிஞ்சிக்குவோம். அவ்வளவு தான்

1. நபிகள் நாயகம் (ஸல்) அவர்களுக்கு இரண்டாவதாக இறங்கிய (வஹீ) இறைவசனம் எது?

• திரு குர்ஆனில் 74 வது வசனம், அல் முதத்தீர்ன். போர்வை போர்த்திக் கொண்டிருக்கும் (நபியே!).....
• திரு குர்ஆனில் 87 வது வசனம், அல் அலக்ஃ, (நபியே!) மிக்க மேலானவனான உம்முடைய இறைவனின் திருநாமத்தை(த் தியானித்து) தஸ்பீஹு செய்வீராக......
• திரு குர்ஆனில் 1 வது வசனம், சூரத்துல் பாஃதிஹா, அளவற்ற அருளாளன், நிகரற்ற அன்பாளன், அல்லாஹ்வின் பெயரால்! (தொடங்குகிறேன்). ........
• போர்வை போர்த்திக் கொண்டிருக்கும் (நபியே!) நீங்கள் எழுந்து நின்று (மனிதர்களுக்கு) அச்சமூட்டி எச்சரிக்கை செய்யுங்கள்! உங்கள் இறைவனைப் பெருமைப்படுத்துங்கள்! உங்களது ஆடையை பரிசுத்தமாக்கி வைத்துக் கொள்ளுங்கள்! அசுத்தங்களை வெறுத்து விடுங்கள்! உங்கள் இறைவனின் கட்டளையை நிறைவேற்றுவதற்காக(க் கஷ்டங்களை) நீங்கள் பொறுத்திருங்கள். (அல்குர்ஆன் 74 : 1-5)

2. நபிகள் நாயகம் (ஸல்) அவர்கள் தமது மகளின் திருமணத்தின் போது சீதனம் கொடுத்தார்களா?

• கொடுக்கவில்லை
• தானே விரும்பி கொடுத்தார்கள்
• தெரியவில்லை.
• நபிகள் நாயகம் (ஸல்) அவர்கள் தமது மகள் ஃபாத்திமாவைத் திருமணம் முடித்துக் கொடுத்த போது ஒரு கனமான போர்வை, (தண்ணீர் பிடித்து வைத்துக் கொள்ளும்) ஒரு தோல் துருத்தி, இத்கிர் என்ற புல் சருகு அடைக்கப்பட்ட ஒரு தலையனை ஆகியவற்றைக் கொடுத்து அனுப்பினார்கள் என்று அலி (ரலி) அறிவிக்கிறார்கள். (ஆதாரம்:நஸாயீ, இப்னுமாஜா, அஹ்மத்)
  பெற்ற மகளுக்கு நாமாக விரும்பி சில பொருட்களைக் கொடுக்கலாம் என்பது இதில் இருந்து தெரிகிறது.
  ஆனால் விரும்பித் தரப்படுகிறதா அதில் நேரடியான மறைமுகமான நிர்பந்தம் உள்ளதா என்பதைக் கவனிக்க வேண்டும்.

3. பித்அத் என்பது என்ன?

• முன்னுதாரணமின்றி புதிதாக உருவாக்கப்பட்ட ஒன்று
• மார்க்கத்தில் இல்லாத ஒரு (புது)காரியம்
• மேலே குறிப்பிட்ட அனைத்தும்
• நபியவர்கள் கூறியதாக இர்பாழ் பின் ஸாரியா (ரழி) அவர்கள் அறிவிக்கும் ஹதீஸின் ஒரு பகுதி: புதுமையான காரியங்களை விட்டும் உங்களை எச்சரிக்கிறேன். ஏனெனில் ஒவ்வொரு புதுமையும் பித்அத்தாகும். பித்அத் ஒவ்வொன்றும் வழிகேடாகும்.
  (அபூ தாவூத் 4607)
  
  ஜாபிர் பின் அப்தில்லாஹ் அவர்கள் கூறுகிறார்கள்: நபியவர்கள் தமது உரைகளில் பின்வருமாறு கூறுவார்கள்: வார்த்தைகளில் மிக உண்மையானது அல்லாஹ்வின் வார்த்தையாகும். வழிகாட்டல்களில் சிறந்தது நபியவர்களது வழிகாட்டலாகும். காரியங்களில் மிகக் கெட்டது புதுமைகளாகும். ஒவ்வொரு புதுமையும் பித்அத்தாகும். பித்அத் ஒவ்வொன்றும் வழிகேடாகும்.
  (முஸ்லிம் 867).

4. இறைவன் மன்னிக்காத குற்றம் எது?

• பொய் சொல்வது
• இறைவனுக்கு இணை (சிலை, உருவம்) வைப்பது
• மேலே குறிப்பிட்ட அனைத்தும்
• நிச்சயமாக அல்லாஹ் தனக்கு இணை கற்பிப்பதை மன்னிக்க மாட்டான்அதற்கு கீழ் நிலையில் உள்ள (பாவத்)தை தான் நாடியவர்களுக்கு மன்னிப்பான். அல்லாஹ்வுக்கு இணை கற்பிப்பவர் மிகப் பெரிய பாவத்தையே கற்பனை செய்கிறார்.” (திருக்குர்ஆன் 4:48).

5. எமன் நாட்டைச் சேர்ந்த அப்ரஹா என்ற மன்னன் எதற்காக காபாவை இடிக்க வந்தான்?

• கஅபா ஆலயம் இருக்கும் வரை, தனது நாட்டை உள்ள தான் கட்டிய ஆலயத்தை நோக்கி மக்கள் வரமாட்டார்கள் என்பதற்காக.
• கஅபா ஆலயம், (நபிகள் நாயகம் (ஸல்) அவர்களின் காலத்திற்கு முன்பிருந்தே) புனிதத் தலமாக அரபு சமுதாயத்தால் கருதப்பட்டு வந்தது என்பதற்காக.
• மக்காவை, யானை படைகொண்டு போரிட்டு கைப்பற்றவேண்டும் என்பதற்காக.
• மக்கா புனித பூமி என்பதை அறிவீர்கள். அதற்கு ‘உம்முல் குரா” – நகரங்களின் தாய்- என்ற பெயரும் உண்டு. அங்குதான் ‘பைதுல் அதீக்” எனப்படும் பழமையான ஆலயமான ‘கஃபா” உள்ளது. கஃபாவை மக்கள் பெரிதும் மதித்து வந்தனர்; யமனில் ‘ஆப்ரஹா” என்றொரு மன்னன் ஆட்சி செய்து கொண்டிருந்தான். அவன் ‘ஸன்ஆ”வில் மிகப் பிரம்மாண்டமான கலை நுணுக்கம் மிக்க ஒரு ஆலயத்தைக் கட்டினான். மக்கள் கஃபாவை விட்டு விட்டு இந்த ஆலயத்திற்கு வருவார்கள் என எதிர்பார்த்தான். அவனது எதிர்பார்ப்பு ஏமாற்றத்தில் முடிந்தது.
  
  கஃபாவின் மதிப்பைக் கெடுக்க முனைந்த அவனது நாட்டம் நிறைவேறவில்லை. இதனால் ஆத்திரமுற்ற மன்னன் கஃபாவைத் துண்டு துண்டாகத் தகர்த்துவிட்டால் அதன் பின்னர் தனது ஆலயத்தை நோக்கித்தான் மக்கள் வர வேண்டும் என்று கணக்குப் போட்டான். ஒரு நாள் அவன் மிகப் பெரும் யானைப் படையுடன் மக்கா நோக்கிப் படையெடுத்தான். அவனால் கஅபா ஆலயத்தை இடிக்க முடியவில்லை. இறைவனால் அனுப்பப்பட்ட அபாபீல் எனும் பறவைகள் கற்களால் தாக்கி, அவனையும் அவனது படையினரையும் அழித்தன

6. இப்றாஹீம் நபி அல்லாஹ்விடம், இறந்தவர்களை எப்படி உயிர்ப்பிக்கின்றாய் என்று எனக்குக் காட்டுவாயா?” என்று கேட்டார்களா?

• ஆம். கேட்டார்கள்.
  
• கேட்கவில்லை
• தெரியவில்லை.
• இப்றாஹீம் நபி இறந்த ஒருவரின் சடலத்தைக் கண்டார். அதைப் பறவைகளும் கொத்தி தின்று கொண்டிருந்தன. மீன் இனங்களும் தின்று கொண்டிருந்தன. இக்காட்சியைக் கண்ட இப்றாஹீம் நபியின் உள்ளத்தில் ஓர் எண்ணம் எழுந்தது.
  
  “பல உயிரினங்களின் வயிற்றில் பிரிக்கப்பட்ட இந்த உடலை அல்லாஹ் எப்படி உயிர்ப்பிப்பான்?” என்பதுதான் அது!
  
  இந்த எண்ணத்தோடு இப்றாஹீம் நபி அல்லாஹ்விடம், “என் இறைவா! இறந்தவர்களை எப்படி உயிர்ப்பிக்கின்றாய் என்று எனக்குக் காட்டுவாயா?” என்று கேட்டார்கள்.
  
  “இப்றாஹீம்! நீ நம்பவில்லையா?” என அல்லாஹ் கேட்டான்.
  
  “இல்லை… இல்லை… நான் நம்புகின்றேன். இதைக் கண்ணாறக் கண்டு உள்ளம் அமைதியுற விரும்புகின்றேன்” என்றார்கள்.
  
  அதற்கு அல்லாஹ் நான்கு பறவைகளை எடுத்து (அவை உம்மிடம் திரும்பி வருமாறு) நன்கு பழக்கச் சொன்னான். இப்றாஹீம் நபி நான்கு பறவைகளை எடுத்து வளர்த்தார்கள். பின்னர் அவற்றை அல்லாஹ் கூறிய விதத்தில் அறுத்து துண்டு துண்டாக்கினார்கள். அவற்றின் ஒவ்வொரு பாகத்தை ஒவ்வொரு மலைகளின் மீது வைத்தார்கள். அதன் பின்னர் அந்தப் பறவைகளின் பெயர் கூறி அழைத்தார்கள்.
  
  என்ன ஆச்சரியம்! அவர் பெயர் கூறி அழைத்ததும் ஒவ்வொரு மலையில் இருந்தும் துண்டு போடப்பட்ட இறைச்சி அவற்றின சிறகுகள், கால் எல்லாம் ஒன்று சேர்ந்து மீண்டும் பழைய பறவையாகி இப்றாஹீம் நபியிடம் வந்தது. இவ்வாறு நான்கு பறவைகளும் உயிர் பெற்ற அற்புதத்தை இப்றாஹீம் நபி கண்ணாறக் கண்டு பேராணந்தம் அடைந்தார்கள்.
  
  இச்சம்பவத்தை சூறா அல் பகரா அத்தியாயம் 2, வசனம் 260 ல் காணலாம்.
  

7. ஹிஜ்ரி 6 ஆம் ஆண்டு 1400தோழர்களுடன் ஹுதைபியாவை வந்தடைந்த நபிகளார் (ஸல்), யாரை மக்காவாசியிடம் தூது செல்ல அனுப்பி வைத்தார்கள்?

• ஹழ்ரத் அபூபக்கர் (ரலி) அவர்களை.
  
• ஹழ்ரத் அலி (ரலி) அவர்களை
• ஹழ்ரத் உஸ்மான் (ரலி) அவர்களை
• நபி(ஸல்)அவர்கள் குஸாஆ கிளையினரைச் சார்ந்த கிராஷ் பின் உமைய்யாவை ஸஃலப் என்ற ஒட்டகத்தின் மீது அமர்த்தி முதலில் அனுப்பி வைத்திருந்தார்கள். அவர் மக்காவிற்குள் நுழைந்ததுமே குறைஷிகள் அவரது ஒட்டகத்தை அறுத்து அவரைக் கொலை செய்யவும் நினைத்தனர். ஆனால் பனூ கினானா கிளையைச் சேர்ந்தவர்கள் அதைச் செய்யவிடாமல் குறைஷிகளைத் தடுத்துவிட்டனர். (குறைஷிகளிடமிருந்து தப்பித்த) கிராஷ், நபி(ஸல்)அவர்களிடம் வந்தார்.
  
  இதனால் உமர்(ரலி)அவர்களை அனுப்பி வைப்பதற்காக நபி(ஸல்)அவர்கள் அழைத்தார்கள். அதற்கு உமர்(ரலி)அவர்கள், "அல்லாஹ்வின் தூதரே! குறைஷிகள் என்னைக் கொன்று விடுவார்கள் என்று அஞ்சுகின்றேன். (என்னுடைய) 'பனூ அதீ' குடும்பத்திலிருந்து என்னைக் காப்பாற்றுபவர் யாருமில்லை. நான் குறைஷிகள் மீது கொண்டிருக்கும் விரோதத்தையும் கடுமையையும் பனூ அதீ குடும்பம் நன்றாகத் தெரிந்து வைத்திருக்கின்றது. எனினும் நான் என்னைவிடக் கண்ணியமிக்க ஒருவரை உங்களுக்குக் காட்டுகிறேன். அவர்தான் உஸ்மான் பின் அஃப்பான்" என்று கூறினார்கள்.
  (அறிவிப்பவர்: மிஸ்வர் பின் மக்ரமா (ரலி); நூல்: அஹ்மத்)
  

8. உம்முடைய செருப்போசையை சொர்க்கத்தில் கேட்டேன், என்று நபி அவர்கள் யாரை குறிப்பிட்டார்கள்?

• அலி இப்னு அபூதாலிப் (ரலி).
  
• காலித் பின் வலீத்(ரலி)
• பிலால் இப்னு ரபாஹ் (ரலி)
• நபி(ஸல்) அவர்கள் ஒரு ஃபஜ்ருப் பொழுதில், 'பிலாலே! இஸ்லாத்தில் இணைந்த பின் நீர் செய்த சிறந்த அமல் பற்றிக் கூறும்! ஏனெனில் உம்முடைய செருப்போசையை சொர்க்கத்தில் கேட்டேன்' என்று பிலால்(ரலி) அவர்களிடம் கேட்டார்கள். அதற்கு பிலால்(ரலி) 'இரவிலோ, பகலிலோ நான் உளூச் செய்தால் அவ்வுளூவின் மூலம் நான் தொழ வேண்டுமென்று நாடியதைத் தொழாமல் இருப்பதில்லை. இதுதான் என்னுடைய செயல்களுள் சிறந்த செயல்' என்று விடையளித்தார்கள் (அறிவிப்பவர்: அபூ ஹுரைரா(ரலி),நூல்:புகாரி 1149).
  

9. "பதினோரு நட்சத்திரங்களும், சூரியனும், சந்திரனும் எனக்குச் சிரம் பணிவதை மெய்யாகவே (கனவில்) நான் கண்டேன்" என்று கூறிய நபி யார்?

• இபுராஹீம் நபி
• யாகூப் நபி
• யூஸுஃப் நபி
• யூஸுஃப் தம் தந்தையாரிடம்: “என் அருமைத் தந்தையே! பதினோரு நட்சத்திரங்களும், சூரியனும், சந்திரனும் – (இவை யாவும்) எனக்குச் சிரம் பணிவதை மெய்யாகவே (கனவில்) நான் கண்டேன்” என்று கூறியபொழுது.... – (அல்குர்ஆன் 12:4).
  

10. "இறைவன் குரானையும், முஹம்மத் நபியையும், யாரெல்லாம் நல்வழி பெற அனுப்பினான்?

• அரபு தேச மக்களுக்கு
• உலக முஸ்லீம்களுக்கு
• உலக மக்கள் அனைவருக்கும்
  
• மேலும், குரான் என்னும் இறைவேதம், உலக மக்கள் அனைவருக்குமானது. நாயகம் (ஸல்) அவர்கள் உலக மக்கள் அனைவருக்காகவும் அனுப்பப்பட்டவர்கள்.
  
  (நபியே) உம்மை அகிலத்தாருக்கு எல்லாம் ஓர் அருட்கொடையாகவேயன்றி அனுப்பவில்லை.(அல்குர்ஆன் 21:107).
  

பிடித்திருந்தால் உங்கள் நண்பர்களுடன் பகிர்ந்துகொள்ளுங்கள், உங்கள் கருத்தை எங்களிடம்  கமெண்ட் மூலம் கீழே  தெரிவியுங்கள்!!